Ikusten duzuenez, hauetako fitxa bakoitzak bi zati ditu.
Inprimatu ondoren lerrotik tolestu behar dira eta jolasa hasten da.
Jolas honetan haurrak, arretaz, begiratzen ditu agertzen diren marrazkiak, minutu batez. Gero itxi behar ditu begiak eta fitxari buelta emanda, ireki begiak eta falta den marrazkia esan behar du.
Ia egunero, arratsaldeko jolasalditik etorri eta 10 minutura, jolas honen beste bertsio bat egin ohi dugu, jostailu eta objektu errealekin. 3 objektu jarri, trapu batekin estali, begiak ixteko eskatu, objektu bat kendu, begiak irekitzeko eskatu, objektuak azaleratu eta zer falta den asmatu behar dute.
Benetan izugarri gustatzen zaien erronka da eta ez dago egunik egin nahi ez dutenik.
Konplikatu egin daiteke elementu kopurua handituz, buruz ikasteko denbora murriztuz edo elementu gehiago kenduz.
Irudien PDFa jaisteko sakatu goiko irudiaren gainean
No hay comentarios :
Publicar un comentario